3-4 iyul kunlari O`zbekiston Respublikasi Vazirlar Mahkamasi huzuridagi O`zbekiston Islom Sivilizasiyasi markazi tomonidan “Buyuk ajdodlar merosi – III Renessans poydevori” O`zbekiston olimlari forumi start oladi.
Ilmiy anjumanning asosiy maqsadi O`zbekiston Respublikasi Prezidentining 2021 yil 16 iyuldagi “O`zbekiston Respublikasi Vazirlar Mahkamasi huzuridagi O`zbekistondagi Islom sivilizasiyasi markazi faoliyatini yanada takomillashtirishga doir qo`shimcha chora-tadbirlar to`g`risida”gi PQ-5186-son qarorining “Jahon ilm-fani taraqqiyoti va sivilizasiyasiga hissa qo`shgan ajdodlar ilmiy merosini tadqiq qilish hamda yangi yuksalish davridagi yutuqlarni targ`ib qilish” bo`yicha “Yo`l xaritasi”da belgilangan ilmiy-tadqiqot ishlari, muzey, arxiv, kutubxona va qo`lyozmalar fondini boyitish tadbirlarini tashkil etishni ta`minlashga qaratilgan.
500 ga yaqin ishtirokchini qamrab olgan Forumda Islomdan avvalgi davrda Markaziy Osiyo, Islomning Markaziy Osiyoga yoyilishi, ta`lim, shaharsozlik va me`morchilik tarixi, an`analar, ilm-fan, san`at va badiiy hunarmandchilik, “Uchinchi Renessans – Yangi O`zbekiston” mavzulari hamda “Imom Buxoriy muzeyi konsepsiyasi” doirasida seminarlar tashkil etiladi.
500 ga yaqin ishtirokchini qamrab olgan Forumda “Markaziy Osiyo olimlari 1001 kashfiyoti” kabi loyihalar taqdim etiladi. Shuningdek, ilmiy amaliy anjumanning loyihalar taqdimotida “Uchinchi Renessans – Yangi O`zbekiston” yo`nalishida ham 40 ta videorolik yaratish, kitob-albom nashr etish kabi masalalar o`rin olgan.
Forumda taqdim etilgan har bir loyiha bo`yicha olimlar ishtirokida muhokamalar tashkil etilib, ishtirokchilar fikr-mulohazalari tinglanadi.
