Ijtimoiy tarmoqlarda Toshkentdagi ikkita maktabda yarim tunda kesib ketilgan 85 tup daraxt haqida xabarlar tarqaldi.
Toshkent shahar maktabgacha va maktab ta`limi boshqarmasining ma`lum qilishicha, holat Shayxontohur tumanidagi 42- hamda Yakkasaroy tumanidagi 48- maktablarida sodir bo`lgan. Ayni paytda ushbu maktablarda qo`shimcha o`quv binolari qurilmoqda.
Shu munosabat bilan Toshkent shahar Ekologiya, atrof-muhitni muhofaza qilish va iqlim o`zgarishi boshqarmasidan taqdim etilgan xulosaga ko`ra, Shayxontohur tumanidagi 42-maktab hududidagi 38 tup daraxt kesilmasdan va hech qanday zarar etkazilmasdan boshqa joyga ko`chiriladigan bo`lgan.
Boshqarma rasmiy bayonotida ijtimoiy tarmoqlarda tarqalgan gap-so`zlar asossiz ekanligi qayd etilgan. Vazirlar Mahkamasining 2022 yil 22 avgustdagi 464-sonli Qaroriga asosan barcha agrotexnik qoidalarga rioya qilgan holatda daraxtlar boshqa joyga ko`chirilishi ma`lum qilingan.
