Toshkent viloyati IIBB YHXB matbuot xizmati Bo‘stonliq tumanida sodir bo‘lgan yo‘l-transport hodisasi yuzasidan ma’lumot berdi.
Qayd etilishicha, 2024 yilning 27 iyul kuni soat tahminan 13:10 larda Toshkent viloyati Bo‘stonliq tumani hududidan o‘tgan 4R10 "Chorbog‘ suv ombori halqa yo‘li" avtomobil yo‘lining 14 kilometrida haydovchi 1999 yilda tug‘ilgan Yangiyo‘l tumanida istiqomat qiluvchi Z.M. harakatlanib ketayotgan vaqtida yo‘lni chap tomonidan o‘ng tomoniga yugurib o‘tayotgan voyaga yetmagan 2018 yilda tug‘ilgan Chinoz tumanida istiqomat qiluvchi piyodani urib yuborgan.
Ushbu yo‘l-transport hodisasi oqibatida piyoda turli hil tan jarohatlari olib tuman markaziy shifoxonasiga yotqizilgan.
Hozirda Bo‘stonliq tumani Ichki ishlar boshqarmasi tomonidan surishtiruv ishlari olib borilmoqda.
