Toshkent viloyati aholisiga transport xizmatlari ko‘rsatishni yaxshilash maqsadida 1000 ta yangi avtobus xarid qilinadi. Bu haqda viloyat hokimi Zoyir Mirzayev topshiriq berdi.
Viloyat transport boshqarmasi aholi fikrini o‘rganib, uning asosida viloyatning ma’muriy markazi Nurafshon shahrini viloyatning barcha shahar va tumanlari bilan bog‘laydigan yangi avtobus yo‘nalishlarini tashkil etadi.
Qayd etilishicha, yangi tashkil etilayotgan yo‘nalishlar uchun Nurafshon shahri yo‘lovchi transportining logistika markazi bo‘ladi.
