AsosiyJamiyat

Xorazmda ikki bola onasi tarbiyasiga olib berildi

Oilaviy janjal sabab er xotinidan farzandlarini tortib olmoqchi bo‘ldi.

'Xorazmda ikki bola onasi tarbiyasiga olib berildi'ning rasmi

Xorazm viloyati Yangibozor tumanida yashovchi fuqaro J.Qo‘ziyeva oilaviy janjal sabab, ota uyiga chiqib ketadi. Turmush o‘rtog‘i bolalarini bermagach, u bu ishni sud orqali hal qilishga qaror qiladi.
Albatta, bolalar tarbiyasi bilan bog‘liq bo‘lgan nizolarning to‘g‘ri hal etilishi ota-onalarning va bolalar huquqlarini muhofaza etadi.

Farzandlarini qarzdor ya’ni otasi T.Matkarimovdan undiruvchi ya’ni onasi J.Qo‘ziyevaning tarbiyasiga olib berish to‘g‘risidagi ijro hujjati Byuroning Yangibozor tumani bo‘limi ish yurituviga kelib tushgan.

Shu kunning o‘zida bo‘lim davlat ijrochisi tomonidan ijro ishini yuritish to‘g‘risida qaror qabul qilinib, taraflarga ma’lum qilingan.

Bo‘lim xodimlari qarzdorning yashash xonadoniga borib, uning huquq va majburiyatlarni tushuntirib, sud qarorini ixtiyoriy bajarishi, aks holda unga nisbatan tegishli tartibda qonuniy choralar ko‘rilishi haqida ogohlantirdilar.

Shundan so‘ng, qarzdor T.Matkarimov berilgan ixtiyoriy muddat ichida bolalarni onasiga ixtiyoriy ravishda topshirdi va ijro hujjati amalda tamomlandi.

    Boshqa yangiliklar