Nemolchi.uz kanalining xabar berishicha, voqea 26 oktyabr kuni sodir bo‘lgan. Qiz dugonasi bilan sayr qilib uyga taksida qaytayotganda haydovchi qizga shaxsiy savollar berib, keyin yo‘nalishni o‘zgartirgan.
Qiz qayerga olib ketayotganini so‘raganda, uni sayr qildirtirmoqchi ekanligini aytgan. Jabrlanuvchini shahar tashqarisiga olib chiqib, mashinani to‘xtatgan. So‘ng qizning telefonini olib qo‘ygan va unga zo‘ravonlik qilmoqchi bo‘lgan.
Qizning keskin qarshiligidan so‘ng uni shaharga qaytargan va telefonini qaytarib berib, do‘st bo‘lish talabi bilan mashinadan tushirgan.
Shundan so‘ng voyaga yetmagan shaxs huquq-tartibot idoralariga murojaat qilgan. Ular taksi haydovchisini topib berishni va’da qilib, uning arizasini qabul qilishmagan.
Biroz vaqt o‘tgach, jabrlanuvchi ariza yozish uchun yana militsiyaga borgan. Keyin uni yana uyiga jo‘natib, ariza yozishga hojat yo‘qligini, mutaxassislar gumonlanuvchini kameralardan qidira boshlashganini aytishgan.
Bolalar ombudsmanining ma’lum qilinishicha, holat bo‘yicha hozirda Qashqadaryo viloyati Qarshi tumani IIB Tergov bo‘limi tomonidan tergovga qadar tekshiruv harakatlari olib borilmoqda.
