Ijtimoiy tarmoqlarning kuchiga ishonsangiz, ehtiyot bo`ling, deb xabar berdi “Onedio.ru” nashri.
Biz hikoya qilmoqchi bo`lgan yigitning hayotini ijtimoiy tarmoqlar tubdan o`zgartirib yubordi. Gollandiyada yashovchi, asli surinamlik bo`lgan 26 yoshli Nikke Libert qurilishda ishlayotganda, uning yoniga sayyoh qizlar kelib, “Suratga tushirsak maylimi, sizdan juda zo`r model chiqqan bo`lardi. Rasmingizni ijtimoiy tarmoqlarga joylashtiramiz”, deb taklif kiritdi. Ularning taklifiga yigit ham xursand bo`lib, bir zumda ko`na qoldi.
Shundan keyin moda bilan qiziquvchi qizlardan biri Danika yigitning suratini ijtimoiy tarmoqlardagi sahifasiga joylashtirdi. Bu surat foydalanuvchilarga juda ham yoqdi. O`sha paytda Nikkining 485 nafar kuzatuvchisi bo`lgan bo`lsa, ertasi kuni ularning soni 20.000 ga, keyingi kuni esa 44.000 taga etdi.
Modellik agentliklaridan biri o`ylab o`tirmay, Nikki bilan shartnoma imzoladi. Mo``jiza yuz berganidan Danikaning ham boshi osmonga etdi.
Boshiga baxt qushi qo`nishiga qaramay, Nikki hamon qurilishdagi ishini tashlagani yo`q, ishdan bo`shashga ham shoshilmayapti.
