31 декабрь куни Тошкент метроси бекатларининг иш вақти одатдагидан 2 соатга узайтирилади. Бу ҳақда метрополитен матбуот хизмати хабар берди.
Қайд этилишича, метро илк маротаба 31 декабрь соат тонгги 05:00 дан 1 январь соат тунги 02:00 гача йўловчиларга хизмат кўрсатади.
Қўшимча дам олиш кунларида метро поездларининг ҳаракат жадвали юзасидан ҳозирда режавий ишлар амалга оширилмоқда. Бу бўйича кейинроқ қўшимча маълумот тақдим этилади.
Аввалроқ Тошкент метрополитени биринчи марта бир кунда 1 миллион йўловчига хизмат кўрсатгани хабар қилинганди. Миллионинчи йўловчига пойтахт жамоат транспортидан бир йил давомида бепул фойдаланиш имконини берувчи транспорт картаси совға қилинган.
