Isroil va HAMAS G‘azo bo‘yicha kelishuvga erishdi. Yahudiy davlatining The Times of Israel gazetasi shu haqda xabar bermoqda.
Misr poytaxti Qohira shahrida o‘tkazilgan muzokaralar natijasida erishilgan Kelishuvning loyiha shakli tayyor. Kelishuv haqida chorshanba yoki payshanba kuni muzokaralarda vositachilik qilgan AQSH, Qatar va Misrning qo‘shma bayonotida rasman e’lon qilinadi.
Yopiq eshiklar ortida o‘tgan muzokaralarda qatnashgan ikki rasmiyning Associated Press agentligiga ma’lum qilishicha, HAMAS vakillari G‘azo sektorida o‘t ochishni to‘xtatish va o‘nlab garovga olinganlarni ozod qilish bo‘yicha kelishuv loyihasini qabul qilgan. Isroil rasmiysining aytishicha, bu borada oldinga siljish kuzatilgan, biroq tafsilotlar aniqlanmoqda.
Endi hujjat batamom tasdiqlanishi uchun Isroil Vazirlar mahkamasiga yuboriladi.
Abdulloh Sayyid
