Afg‘onistonda sodir bo‘lgan zilzila O‘zbekistonga ham sezildi. Bu haqda Seysmoprognostik monitoring Respublika markazi ma’lum qildi.
Qayd etilishicha, yer silkinishi bugun, 16-aprel kuni tongi soat 04:14 da sodir bo‘lgan. Magnitudasi 6,3 balli zilzilaning epitsentrda sezilish kuchi 4 ballni tashkil etgan.
O‘zbekistonning quyidagi hududida sezildi:
-
Surxondaryo viloyatida — 4 ball,
-
Farg‘ona viloyatida — 3 ball,
-
Samarqand viloyatida — 3 ball,
-
Jizzax viloyatida — 3 ball,
-
Sirdaryo viloyatida — 3 ball,
-
Qashqadaryo viloyatida — 3 ball,
-
Andijon viloyatida — 3 ball,
-
Namangan viloyatida — 3 ball,
-
Toshkent shahrida — 2 ball.
Ma’lumot uchun, Afg‘onistonda soat 4:28 da yana zilzila yuz bergan. U 4,2 magnitudali bo‘lgan. Zilzila kuchi O‘zbekiston hududida sezilmagan.
