Афғонистонда содир бўлган зилзила Ўзбекистонга ҳам сезилди. Бу ҳақда Сейсмопрогностик мониторинг Республика маркази маълум қилди.
Қайд этилишича, ер силкиниши бугун, 16 апрель куни тонги соат 04:14 да содир бўлган. Магнитудаси 6,3 балли зилзиланинг эпицентрда сезилиш кучи 4 баллни ташкил этган.
Ўзбекистоннинг қуйидаги ҳудудида сезилди:
-
Сурхондарё вилоятида — 4 балл,
-
Фарғона вилоятида — 3 балл,
-
Самарқанд вилоятида — 3 балл,
-
Жиззах вилоятида — 3 балл,
-
Сирдарё вилоятида — 3 балл,
-
Қашқадарё вилоятида — 3 балл,
-
Андижон вилоятида — 3 балл,
-
Наманган вилоятида — 3 балл,
-
Тошкент шаҳрида — 2 балл.
Маълумот учун, Афғонистонда соат 4:28 да яна зилзила юз берган. У 4,2 магнитудали бўлган. Зилзила кучи Ўзбекистон ҳудудида сезилмаган.
