AQSH rasmiylari Xitoyning ”DeepSeek” nomli sun’iy intellekt chat-botiga va uni yaratishda foydalanilgan chiplar ishlab chiqaruvchisi — Amerika kompaniyasi Nvidia’ga nisbatan cheklov choralari joriy etishni ko‘rib chiqmoqda.
Ilgari Tramp mamuriyati Nvidia chiplarining Xitoyga sotilishini cheklagan edi. Endi esa “DeepSeek”ning AQSH texnologiyalarini xarid qilish imkoniyatini cheklovchi sanksiyalarni joriy etish hamda amerikaliklarga ushbu chat-botdan foydalanishni taqiqlash masalasi muhokamada.
Ma’lumot uchun, “DeepSeek” kompaniyasi 2025-yil yanvar oyida o‘zining yangi sun’iy intellekt tizimi — "DeepSeek-V3"ni taqdim etgan. Mazkur suniy intilekt ilg‘or texnologiyalar bilan tenglasha oladi.
Kompaniya vakillarining aytishicha, ushbu model atigi ikki oy ichida va olti million dollardan kamroq mablag‘ evaziga o‘qitilgan. Bu ko‘rsatkich AQSH kompaniyalariga nisbatan bir necha baravar arzon.
