Bugun, 18-aprel kuni uzoq yillar davomida turli jamoalarda murabbiylik bilan futbol rivojiga hissa qo‘shgan mutaxassis Bahodir Davlatov 60 yoshida vafot etdi. Bu haqda O‘zbekiston futbol assotsiatsiyasi matbuot xizmati ma’lum qildi.
Bahodir Davlatov faoliyati davomida 1981-1991-yillar oralig‘ida “Yangiyer” klubida to‘p tepgan. Futbolchilik faoliyatini yakunlaganidan so‘ng, u murabbiylikda ham faoliyat yuritgan. Shuningdek, u “Metallurg” klubi murabbiylar shtabi a’zosi bo‘lgan.
Ma’lumot uchun, Bahodir Davlatov 2011 yilda Meksikada o‘tgan 17 yoshgacha bo‘lgan Jahon chempionatida ishtirok etgan O‘zbekiston terma jamoasi a’zosi Bobur Davlatovning otasi hisoblanadi.
