Бугун, 18 апрель куни узоқ йиллар давомида турли жамоаларда мураббийлик билан футбол ривожига ҳисса қўшган мутахассис Баҳодир Давлатов 60 ёшида вафот этди. Бу ҳақда Ўзбекистон футбол ассоциацияси матбуот хизмати маълум қилди.
Баҳодир Давлатов фаолияти давомида 1981-1991 йиллар оралиғида “Янгиер” клубида тўп тепган. Футболчилик фаолиятини якунлаганидан сўнг, у мураббийликда ҳам фаолият юритган. Шунингдек, у “Metallurg” клуби мураббийлар штаби аъзоси бўлган.
Маълумот учун, Баҳодир Давлатов 2011 йилда Мексикада ўтган 17 ёшгача бўлган Жаҳон чемпионатида иштирок этган Ўзбекистон терма жамоаси аъзоси Бобур Давлатовнинг отаси ҳисобланади.
