Elektr tarmoqlarida yuz bergan avariya hodisasi sababli Mirzo Ulug‘bek tumanidagi "Qorasuv" podstansiyasidan elektr uzatish vaqtincha to‘xtatilgan. Bu issiq suv ta’minoti uzilishiga ham sabab bo‘lgan. Bu haqda "Veolia Energy Tashkent" kompaniyasi xabar berdi.
Qayd etilishicha, elektr tarmoqlarida ta’minotni tiklash bo‘yicha ishlar olib borilmoqda. Ta’mirlash ishlarining taxminiy yakunlanish vaqti — bugun 18:00 gacha. Issiq suv ta’minotining tiklanish vaqti 19:00 dan keyin.
Bu xabar quyidagi manzillarga aloqador:
- Mirzo Ulug‘bek, Temur Malik, Avayxon, Mingbuloq, Mirishkor, Shukur Burhonov, Razzoq Hamroyev, Salom, Do‘rmon yo‘li ko‘chalari, shuningdek 1-, 2-, 3-, 4-, 6-Qorasuv mavzelari.
