Samarqand xalqaro aeroportiga kecha Qozog‘istonning Turkiston shahridan yo‘lovchi samolyot kelib qo‘ndi.
Qozog‘istonning "QAZAQ AIR" aviakompaniyasining mazkur aviareysi Astana, Turkiston va Samarqand shaharlarini bog‘laydi.
Muntazam yo‘lovchi qatnovlari haftasiga ikki marta — payshanba va yakshanba kunlari amalga oshiriladi.
Birinchi aviareys kelishi munosabati bilan tashkil etilgan tadbirda Qozog‘iston Respublikasining Samarqand shahridagi bosh konsuli hamda Samarqand viloyati hokimligi mas’ullari ishtirok etdi.
