Sirdaryo viloyatining Mirzaobod tumanida 14 yoshli yigit kanalga cho‘kib ketdi. Bu haqda viloyat Favqulodda vaziyatlar boshqarmasi xabar berdi.
Qayd etilishicha, 18 may kuni Mirzaobod tumani Oydin MFY hududidan oqib o‘tuvchi "Do‘stlik" kanaliga cho‘milish uchun borgan 2011 yilda tug‘ilgan A.X. ehtiyotsizlik oqibatida cho‘kib ketgan.
Viloyat FVB g‘avvos-qutqaruvchilari tomonidan olib borilgan suvda qidiruv-qutqaruv tadbirlari natijasida, 19 may kuni yigitning jasadi suvdan olib chiqilgan.
Hozirda mazkur holat yuzasidan Mirzaobod tumani prokuraturasi tomonidan surishtiruv ishlari olib borilmoqda.
