Qirg‘iziston Milliy xavfsizlik davlat qo‘mitasi qalbaki pullarni tayyorlash va sotish bilan shug‘ullangan transmilliy guruh faoliyatini fosh etdi. Bu haqda idora matbuot xizmati ma’lum qildi.
Ma’lumotlarga ko‘ra, jinoyiy guruh bir nechta davlat hududida faoliyat yuritib, yuqori sifatli qalbaki kupyuralar ishlab chiqarish hamda ularni keng tarmoq orqali sotishni yo‘lga qo‘ygan.
Maxsus operatsiya davomida nazorat ostidagi xarid paytida O‘zbekiston va Qirg‘iziston fuqarolari qo‘lga olingan. Ulardan katta miqdorda qalbaki chet el valyutasi va boshqa ashyoviy dalillar musodara qilingan.
Holat yuzasidan jinoyat ishi qo‘zg‘atilib, gumonlanuvchilar tergov hibsxonasiga joylashtirilgan. Ayni paytda jinoyiy sxema ishtirokchilari va tarqatish kanallarini aniklash bo‘yicha tergov harakatlari davom ettirilmokda.
