Qashqadaryo viloyatida soliq inspeksiyasi boshlig‘ining o‘rinbosari pora bilan qo‘lga tushdi. Bu haqda Davlat xavfsizlik xizmatining axborot xizmati “Darakchi.uz”ga ma’lum qildi.
Qayd etilishicha, viloyatning Qamashi tumanida yashovchi 1981 y.t. muqaddam sudlangan shaxs 360 mln so‘mlik soliq qarzdorligini to‘lamaganligi sababli zavodga nisbatan qo‘yilgan taqiqni o‘zining mansabdor tanishlari orqali bekor qildirib, uning faoliyatini tiklab berish evaziga MCHJ rahbaridan 4000 AQSH dollari talab qiladi.
So‘ng, u DXXning Qashqadaryo viloyati bo‘yicha boshqarmasi hamda IJQKD hamkorligida o‘tkazilgan tezkor tadbirda 3000 AQSH dollari olgan vaqtida ushlandi.
Shuningdek, tezkor tadbir davom ettirilib, ushbu noqonuniy ishga aloqador bo‘lgan Qamashi tuman soliq inspeksiyasi boshlig‘ining o‘rinbosari ham 3000 AQSH dollarini olgan vaqtida ashyoviy dalillar bilan ushlandi.
Hozirda holat yuzasidan ikki qonunbuzarga nisbatan jinoyat ishi qo‘zg‘atilib, tergov harakatlari olib borilmoqda.
