AsosiyDunyo

Chet eldan qaytgan fuqarolarni OIVga majburiy tekshirish ko‘zda tutilgan qonun loyihasi qabul qilindi

U Senatda ma’qullanib, prezident tomonidan imzolangach kuchga kiradi.

'Chet eldan qaytgan fuqarolarni OIVga majburiy tekshirish ko‘zda tutilgan qonun loyihasi qabul qilindi'ning rasmi

O‘zbekiston Respublikasi Qonunchilik palatasi tomonidan 90 kundan ortiq chet elda bo‘lib qaytgan fuqarolarni OIV (inson immunitet tanqisligi virusi) infeksiyasiga majburiy tibbiy ko‘rikdan o‘tkazishni nazarda tutuvchi qonun loyihasi uchinchi o‘qishda qabul qilinib, Senatga yuborildi.

 

Qonun loyihasiga ko‘ra, 18 yoshdan 60 yoshgacha bo‘lgan va chet elda uzluksiz 90 kun va undan ortiq muddat bo‘lib qaytgan O‘zbekiston fuqarolari, O‘zbekiston hududida doimiy yashaydigan chet el fuqarolari hamda fuqaroligi bo‘lmagan shaxslar OIV infeksiyasiga majburiy tibbiy tekshiruvdan o‘tkaziladi.

 

Shuningdek, mehnat faoliyatini amalga oshirish uchun O‘zbekistonga kelayotgan xorijiy fuqarolar va fuqaroligi bo‘lmagan shaxslar ham ushbu tekshiruvdan o‘tishga majbur bo‘ladi. Mahalliy fuqarolar davlat budjeti hisobidan, xorijliklar esa o‘z mablag‘i, ish beruvchisi yoki qonun bilan taqiqlanmagan boshqa manbalar hisobidan ko‘rikdan o‘tkaziladi.

 

Tashabbuskorlar fikricha, OIV virusi organizmda odatda 90 kun ichida aniqlanadigan darajaga yetadi. Shu bois ushbu muddat asos qilib olingan. Ma’lumotlarga ko‘ra, 2024 yilda chet eldan qaytgan 1,7 million fuqarodan 434 ming nafari ixtiyoriy tarzda tibbiy tekshiruvdan o‘tgan va ulardan 1512 nafari OIV infeksiyasi bilan kasallangani aniqlangan.

 

Qonun loyihasi, shuningdek, xususiy bandlik agentliklari zimmasiga fuqarolarni chet elga yuborishdan oldin boradigan davlat qonunchiligi va yashash qoidalari bo‘yicha o‘qitish majburiyatini ham yuklaydi.

 

Deputatlarning ta’kidlashicha, ushbu qonun loyihasi OIV infeksiyasi tarqalishini oldini olish, aholi salomatligini muhofaza qilish va mehnat migratsiyasi jarayonlarida ijtimoiy xavfsizlikni ta’minlashga xizmat qiladi.

    Bizni ijtimoiy tarmoqlarda kuzatib boring

    Boshqa yangiliklar

    'Trump o‘lgani aytilmoqda'ning rasmi

    Dunyo 30.08.2025 15:12

    Trump o‘lgani aytilmoqda

    Ijtimoiy tarmoqlarda AQSH prezidenti Donald Trump vafot etgani haqida mish-mishlar tarqalmoqda.

    'Dubayda narkotik xarid qilgan afrikalik erkak 10 yilga qamaldi'ning rasmi

    Dunyo 29.08.2025 18:42

    Dubayda narkotik xarid qilgan afrikalik erkak 10 yilga qamaldi

    Fuqaro nomalum dilerdan turli hil giyohvand moddalarni raqamli valyutada xarid qilgan.

    'Hindistonda tug'ilish darajasi pasaydimi?'ning rasmi

    Dunyo 29.08.2025 17:33

    Hindistonda tug'ilish darajasi pasaydimi?

    Hind oilalariga kamida 3 nafar farzandli boʻlish taklifi berildi.

    'Yevropada rekord darajadagi o'rmon yong'inlari kuzatildi'ning rasmi

    Dunyo 29.08.2025 16:53

    Yevropada rekord darajadagi o'rmon yong'inlari kuzatildi

    2025 yilda Evropa Ittifoqi hududida 1 million gektardan ortiq o'rmon yonib ketdi. Bu raqam o'tgan yilgidan to'rt baravar ko'p.

    'Frantsiyada rezervchilar soni keskin ortmoqda'ning rasmi

    Dunyo 29.08.2025 15:58

    Frantsiyada rezervchilar soni keskin ortmoqda

    So'nggi o'n yillikda Fransiyada harbiy rezervchilar soni ikki baravar oshdi.