Rossiyaning Dog‘iston Respublikasidagi Magaramkent tumanida oxirgi uch kun ichida 302 nafar fuqaro, shundan 294 nafari bolalar, ichak infeksiyasi alomatlari bilan shifoxonaga murojaat qildi. 93 nafar bemor hozirda statsionarda qolmoqda.
Kasallik tarqalishiga sabab Magaramkentdan 14 km uzoqlikdagi “Jepelskiy” manbaidan olingan suv bo‘lishi mumkin.
Mahalliy aholiga faqat butillangan yoki qaynatilgan suvdan foydalanish tavsiya etilmoqda.
Suvni dezinfeksiya qilish uchun Dog‘istonga 3 tonna natriy gipoxlorit yetkaziladi. Voqeaga aloqadorlikda gumon qilingan tuman kommunal xo‘jaligi rahbari Renat Xalidov hibsga olindi.
