Россиянинг Доғистон Республикасидаги Магарамкент туманида охирги уч кун ичида 302 нафар фуқаро, шундан 294 нафари болалар, ичак инфекцияси аломатлари билан шифохонага мурожаат қилди. 93 нафар бемор ҳозирда стационарда қолмоқда.
Касаллик тарқалишига сабаб Магарамкентдан 14 км узоқликдаги “Жепелский” манбаидан олинган сув бўлиши мумкин.
Маҳаллий аҳолига фақат бутилланган ёки қайнатилган сувдан фойдаланиш тавсия этилмоқда.
Сувни дезинфекция қилиш учун Доғистонга 3 тонна натрий гипохлорит етказилади. Воқеага алоқадорликда гумон қилинган туман коммунал хўжалиги раҳбари Ренат Халидов ҳибсга олинди.
