Germaniya hukumati texnologik rivojlanish bo‘yicha yangi dasturi doirasida mamlakatda uchta yangi chip ishlab chiqarish zavodini qurishni rejalashtirmoqda.
Reuters agentligi xabariga ko‘ra, bu tashabbus Yevropada sun’iy intellekt sohasidagi izlanishlarga kuchli turtki berishi kutilmoqda.
“Biz Germaniyani Yevropadagi chip ishlab chiqarish bo‘yicha 1-raqamli manzilga aylantirmoqchimiz”, — deyiladi rasmiy hujjatda.
Unga ko‘ra, AQSHning Wolfspeed kompaniyasiga tegishli bo‘lgan birinchi zavod 2025 yil kuzida Saar yerida qurilishi boshlanadi.
Ikkinchi zavod esa Tayvanning TSMC kompaniyasi va Germaniyaning Bosch hamda Infineon korxonalari hamkorligida Drezdenda allaqachon barpo etilmoqda. Uchinchi zavod haqida esa hozircha rasmiy ma’lumot berilmagan.
Hujjatda, shuningdek, 2030 yilga kelib Germaniya yalpi ichki mahsulotining 10 foizi sun’iy intellektga asoslanishi maqsad qilingani qayd etilgan.
Mutaxassislar sun’iy intellekt orqali har yili 300–400 milliard yevrolik qo‘shimcha qiymat yaratilishini taxmin qilmoqda.
