Germaniyaning janubida, Zigmaringen–Ulm yo‘nalishida harakatlanayotgan 55-raqamli yo‘lovchi poyezdi avariyaga uchradi. Hodisa Ridlingen va Munderkingen o‘rtasidagi temiryo‘l uchastkasida sodir bo‘ldi.
Mahalliy rasmiylar xabariga ko‘ra, hodisa oqibatida kamida 3 kishi halok bo‘lgan, 34 nafari tan jarohati olgan, ularning 3 nafari og‘ir ahvolda shifoxonaga yetkazilgan.
Aniqlanishicha, poyezdning old qismi chap tomonga og‘ib, relsdan chiqib ketgan. Vagonlar taxminan 5 metr balandlikka ko‘tarilib, daraxtlarga urilgan.
Dastlabki ma’lumotlarga ko‘ra, hodisaga sabab — kuchli yomg‘irdan keyin relslar ustiga ko‘chki tushgan. Shu sababli ushbu temiryo‘l uchastkasida harakat to‘xtatilgan.
