Yevropa Ittifoqi Ukrainaga Rossiya Markaziy bankining muzlatilgan aktivlaridan olingan foiz daromadlari hisobidan yana 1,6 milliard yevro ajratdi. Bu haqda Yevrokomissiya ma’lum qildi.
Bu — uchinchi shunday to‘lov bo‘lib, avvalgi ikki “transj”ning 90 foizi Yevropa tinchlik jamg‘armasi orqali Ukrainani qo‘llashga sarflangan, qolgan qismi esa 2024 yilda tashkil etilgan Ukraina bilan kredit hamkorligi mexanizmi orqali yo‘naltirilgan.
Ikkinchi “transj” — 1 milliard yevro — 2025 yil bahorida, birinchi “transj” esa 2024 yilda o‘tkazilgan. Umuman olganda, YI’ning Ukrainaga makromoliyaviy yordami 18,1 milliard yevroni tashkil etadi. Bu — “Katta yettilik”ning Ukrainaga 45 milliard yevro ajratishni ko‘zda tutgan kredit dasturidagi YI ulushi hisoblanadi.
Ma’lumot uchun, “Transj” so‘zi iqtisodiy va moliyaviy matnlarda ishlatiladi va inglizcha tranche (fransuz tilidan olingan) so‘zidan kelib chiqqan.
Ma’nosi biror mablag‘ning yoki qarzning qismi, bosqichma-bosqich ajratiladigan to‘lovi. Masalan, katta kredit yoki yordam puli birdaniga emas, balki bir necha bo‘lakka ajratiladi — har bir bo‘lagi transj deyiladi.
