Европа Иттифоқи Украинага Россия Марказий банкининг музлатилган активларидан олинган фоиз даромадлари ҳисобидан яна 1,6 миллиард евро ажратди. Бу ҳақда Еврокомиссия маълум қилди.
Бу — учинчи шундай тўлов бўлиб, аввалги икки “транжс”нинг 90 фоизи Европа тинчлик жамғармаси орқали Украинани қўллашга сарфланган, қолган қисми эса 2024 йилда ташкил этилган Украина билан кредит ҳамкорлиги механизми орқали йўналтирилган.
Иккинчи “транж” — 1 миллиард евро — 2025 йил баҳорида, биринчи “транж” эса 2024 йилда ўтказилган. Умуман олганда, ЙИънинг Украинага макромолиявий ёрдами 18,1 миллиард еврони ташкил этади. Бу — “Катта еттилик”нинг Украинага 45 миллиард евро ажратишни кўзда тутган кредит дастуридаги ЙИ улуши ҳисобланади.
Маълумот учун, “Транжс” сўзи иқтисодий ва молиявий матнларда ишлатилади ва инглизча транче (француз тилидан олинган) сўзидан келиб чиққан.
Маъноси бирор маблағнинг ёки қарзнинг қисми, босқичма-босқич ажратиладиган тўлови. Масалан, катта кредит ёки ёрдам пули бирданига эмас, балки бир неча бўлакка ажратилади — ҳар бир бўлаги транжс дейилади.
