Bugun, 2 sentabr kuni Toshkentdagi “Olimpiya” stadionida CAFA Nations Cup 2025 musobaqasining A guruhi doirasida O‘zbekiston va Turkmaniston terma jamoalari o‘zaro kuch sinashadi.
Uchrashuv davomida maydonga tushadigan O‘zbekiston terma jamoasining tarkibi e’lon qilindi. Ma’lumot uchun, CAFA Nations Cup 2025 musobaqasida 8 ta milliy terma jamoa ishtirok etmoqda. O‘yinlar Toshkent va Tojikistonning Dushanbe shahrida bo‘lib o‘tadi.
Guruhda 1-o‘rinni egallagan jamoalar 8 sentabr kuni finalda to‘qnash keladi. O‘zbekiston va Turkmaniston o‘rtasidagi o‘yin soat 19:30 da boshlanadi. 5 sentabr kuni esa jamoa Qirg‘izistonga qarshi to‘p suradi. Shu kunga qadar O‘zbekiston Ummon jamoasiga qarshi o‘yin o‘tkazgandi.
Bahs 30 avgust kuni “Olimpiya” stadionida bo‘lib o‘tgan va durang, ya’ni 1:1 hisobida yakunlangan.
