Toshkent shahrida bola o‘g‘irlanayotgani haqidagi xavotirli xabarlar ijtimoiy tarmoqlarda tarqalgan. IIBB o‘rganishlariga ko‘ra, holat aslida boshqacha bo‘lgan.
Matn: 11 sentyabr kuni taxminan soat 12:30 larda 1980 yilda tug‘ilgan ayol “102” raqamiga qo‘ng‘iroq qilib, 2013 yilda tug‘ilgan qizini notanish ayol olib ketmoqchi bo‘lganini aytgan.
Toshkent shahar IIBB aniqlashicha, ushbu holatda 2005 yilda tug‘ilgan S.J. ismli qiz “Uchinchi metro” bekati yaqinida piyodalar yo‘lagidan o‘tayotgan M.A.ga yo‘ldan o‘tishda yordam bergan holos.
U shu vaqtda telefonda suhbatlashayotgan bo‘lgan va bolani elkasidan ushlab, yo‘l qatnov qismidan xavfsiz tarzda o‘tkazib qo‘ygan.
Holat to‘liq o‘rganilgan va nazoratga olingan. Tergovga qadar tekshiruv davomida jinoyat alomatlari aniqlanmagan. IIBB fuqarolardan tasdiqlanmagan ma’lumotlarni tarqatmamaslikni so‘ramoqda.
