Samarqandda qo‘pol qoidabuzarliklar sodir etgan 10 kishiga sud hukmi o‘qildi. Bu haqda Yo‘l harakati xavfsizligi xizmati xabar qildi.
Ma’lum qilinishicha, spirtli ichimlik iste’mol qilib, avtomobil boshqargan 6 nafar shaxsning har biriga nisbatan 15 sutkadan qamoq jazosi tayinlandi. Shuningdek, 3 nafar YPX xodimining qonuniy talabiga bo‘ysunmagan fuqaroga BHMning 5 baravari miqdorida jarima jazosi tayinlangan.
Bundan tashqari, yo‘l bezoriligini sodir etib, mashinada drift qilgan 1 nafar haydovchi 1 yilga haydovchilik guvohnomasidan mahrum etilib, BHMning 25 baravari miqdorida jarimaga tortildi.
