Самарқандда қўпол қоидабузарликлар содир этган 10 кишига суд ҳукми ўқилди. Бу ҳақда Йўл ҳаракати хавфсизлиги хизмати хабар қилди.
Маълум қилинишича, спиртли ичимлик истеъмол қилиб, автомобил бошқарган 6 нафар шахснинг ҳар бирига нисбатан 15 суткадан қамоқ жазоси тайинланди. Шунингдек, 3 нафар ЙПХ ходимининг қонуний талабига бўйсунмаган фуқарога БҲМнинг 5 баравари миқдорида жарима жазоси тайинланган.
Бундан ташқари, йўл безорилигини содир этиб, машинада дрифт қилган 1 нафар ҳайдовчи 1 йилга ҳайдовчилик гувоҳномасидан маҳрум этилиб, БҲМнинг 25 баравари миқдорида жаримага тортилди.
