Ijtimoiy tarmoqda bir erkak uning qaynomasi 15 yoshli qizini majburan turmushga berganini idaеo qilib videomurojaat bilan chiqdi. Erkakning so‘zlariga ko‘ra, u ayoli bilan ajrashgani sabab, qizi bilan uni bilan gaplashtirmagan. Qiz yashirincha dadasi bilan telefonda gaplashgani uchun uning sochini olib tashlashgan. Otaning iddaosicha, qaynomasi nevarasini bosim ostida erga bergan.
Bolalar ombudsmanining aniqlik kiritishicha, mazkur holat Surxondaryo viloyati Denov tumanidagi yashovchi 15 yoshli qiz bilan bog‘liq bo‘lgan.
Qayd etilishicha, 2025 yil iyul oyida qizni turmushga berish harakati bo‘yicha mahalla yettiligi va ijtimoiy xodimlar tomonidan hamkorlikda tekshiruv o‘tkazilib, voyaga yetmagan shaxsni turmushga berish qonun hujjatlariga zid ekani ta’kidlangan va oilaga ogohlantirish berilgan.
Shunga qaramay, 2025 yil 10 avgust kuni nikoh marosimi o‘tkazilgani ma’lum bo‘ldi. Ushbu holat bo‘yicha mahalliy profilaktika inspektori tomonidan qonunchilikka muvofiq ma’muriy javobgarlik chora ko‘llanib, aybdorlarga jarima belgilangan.
Hozirda A.R. Denov tumanidagi kasb-hunar maktabida ta’lim olayotgan bo‘lib, uning huquqlari va ta’lim jarayoni mutasaddilar tomonidan doimiy nazoratga olingan.
