Paris sudi bugun, 25 sentabr kuni Fransiyaning sobiq prezidenti Nikolya Sarkozini saylovoldi kampaniyasini moliyalashtirish bilan bog‘liq ish bo‘yicha Liviya rasmiylari bilan jinoyiy til birlashtirishda aybdor deb topdi. Bu haqda “Reuters” xabar berdi.
Ma’lum qilinishicha, Sarkozi Liviyaning marhum rahbari, polkovnik Muammar Qazzofiyadan millionlar noqonuniy mablag‘larni olish bilan bog‘liq ish bo‘yicha jinoyiy til birlashtirishda aybdor deb topilgan.
Sud Sarkozini 2005-2007 yillardagi “jinoyiy fitnada ishtirok etish”da aybdor deb topdi, biroq uni davlat mablag‘larini o‘g‘irlash va passiv korrupsiyada oqladi.
Prokurorlar Sarkoziga 7 yillik qamoq jazosi, 300 ming yevro jarima va davlat lavozimlarida ishlash huquqidan 5 yilga man etishni so‘ragan edi. U besh yillik qamoq jazosiga hukm qilindi. Hukm u apellyatsiya bergan taqdirda ham qamoqda o‘tirishini bildiradi. Hukm ko‘pchilik kutganidan qattiqroq bo‘ldi va zamonaviy Fransiyaning siyosiy tarixida birinchi bo‘ldi.
Bu ishda Sarkozidan tashqari yana 11 kishi, jumladan hukumatning sobiq a’zolari ham bor.
Sarkozining sobiq apparat rahbari Klod Gean (u uchun bu birinchi sudlanganlik emas) 500 ming yevro olganlik uchun passiv korrupsiya, shuningdek, hujjatlarni qalbakilashtirish va “ta’sir o‘tkazish”da aybdor deb topildi.
