AQSh yetakchisi Turkiya rahbari bilan uzoq yillik do‘st ekanini bildirdi. Bu haqda TRT haber ma’lum qildi.
“Prezident Rajab Toyyib Erdo‘g‘an bilan uzoq yillardan beri do‘stmiz. U o‘z mamlakatida, Yevropada va dunyoda katta hurmat qozongan. Erdo‘g‘an qudratli armiya tuzdi, uni Oq uyda qabul qilish biz uchun sharaf” , — deydi AQSh yetakchisi.
U, shuningdek Turkiya bilan ko‘plab ishlar amalga oshiratganiga to‘xtalib, ikki mamlakat o‘rtasida oldi berdi yaxshi rivojlanganiga to‘xtaldi.
“Prezident Erdo‘g‘an Putindan ham, Zelenskiydan ham hurmat ko‘radi. Hammaning unga hurmati bor, men ham hurmat qilaman. Suriya sobiq rahbarini ag‘darishdagi muvaffaqiyat uchun mas’ul shaxs Erdo‘g‘andir”, deya qo‘shimcha qildi Donald Trump.
Ma’lumot uchun, avvalroq Turkiya prezidenti Nyu-Yorkda Trump kortezhi sabab to‘xtab qolgan edi.
