Bugun, 9 aprel kuni AQShning Arizona shtatida yengil motorli samolyot qulashi oqibatida ikki kishi halok bo‘ldi. Bu haqda NBC telekanali xabar berdi.
Qayd etilishicha, hodisa Marana shahri aeroportida yuz bergan. Samolyot uchish-qo‘nish yo‘lagidan chiqib, portlab ketgan. Aeroportdagi boshqa havo kemalariga zarar yetmaganligi aytilmoqda.
"Shahar ma'muriyati vakili Vik Heteway samolyot bortida ikki kishi bo‘lganini ma'lum qildi. Ularning shaxsi hali aniqlanmagan. Marana politsiya departamentining xabarida boshqa jarohatlanganlar yo‘qligi va hodisaga boshqa havo kemalari aloqador emasligi aytilgan", deyiladi xabarda.
AQSh Milliy transport xavfsizligi kengashi Piper PA-32 samolyoti halokati yuzasidan tergov olib borilayotganini bildirgan.
