Rossiyaning Komi Respublikasida yashovchi O‘zbekiston fuqarosi sud tomonidan noqonuniy migratsiyani tashkil etishda aybdor deb topildi. Bu haqda Zamon.uz xabar berdi.
Aniqlanishicha, erkak rafiqasiga Rossiyada qonuniy maqom berish maqsadida qalbaki mehnat ruxsatnomalari va boshqa soxta hujjatlar tayyorlagan. Mazkur hujjatlar immigratsiya organlariga taqdim etilgan, biroq ekspertiza ularning qalbakiligini tasdiqlagan.
Natijada ayol deportatsiya qilindi, erkak esa jinoyiy javobgarlikka tortildi. Ish Rossiya Federal xavfsizlik xizmati hududiy boshqarmasi tomonidan ko‘rib chiqildi. Sud uni guruh bo‘lib jinoyat sodir etganlikda aybdor deb topib, 18 oy muddatga tartibli koloniyaga hukm qildi.
Hukm hali qonuniy kuchga kirMagan.
