Россиянинг Коми Республикасида яшовчи Ўзбекистон фуқароси суд томонидан ноқонуний миграцияни ташкил этишда айбдор деб топилди. Бу ҳақда Zamon.uz хабар берди.
Аниқланишича, эркак рафиқасига Россияда қонуний мақом бериш мақсадида қалбаки меҳнат рухсатномалари ва бошқа сохта ҳужжатлар тайёрлаган. Мазкур ҳужжатлар иммиграция органларига тақдим этилган, бироқ экспертиза уларнинг қалбакилигини тасдиқлаган.
Натижада аёл депортация қилинди, эркак эса жиноий жавобгарликка тортиилди. Иш Россия Федерал хавфсизлик хизмати ҳудудий бошқармаси томонидан кўриб чиқилди. Суд уни гуруҳ бўлиб жиноят содир этганликда айбдор деб топиб, 18 ой муддатга тартибли колонияга ҳукм қилди.
Ҳукм ҳали қонуний кучга кирмаган.
