Toshkent shahar FVBNing xabar berishicha, 27 sentyabr kuni soat 21:06 da Toshkent shahar, Yangihayot tumani Yo‘ldosh 11-dahasida joylashgan yog‘ochdan qurilgan shaxsiy xonadonlarning birida yong‘in sodir bo‘layotgani to‘g‘risida Toshkent shahar FVBga xabar tushgan.
Shunga ko‘ra, yong‘in-qutqaruv ekipajlari soat 21:09 da voqea joyiga etib borib, yong‘in soat 21:23 da qurshab olindi va soat 21:37 da o‘chirilgan.
Hodisa oqibatida tan jarohati olgan fuqarolar to‘g‘risida xabar tushmadi, deyiladi xabarda.
