Тошкентда ёғочдан қурилган уй ёниб кетди

Тошкент шаҳар ФВБнинг хабар беришича, 27 сентябрь куни соат 21:06 да Тошкент шаҳар, Янгиҳаёт тумани Йўлдош 11-даҳасида жойлашган ёғочдан қурилган шахсий хонадонларнинг бирида ёнғин содир бўлаётгани тўғрисида Тошкент шаҳар ФВБга хабар тушган.

Шунга кўра, ёнғин-қутқарув экипажлари соат 21:09 да воқеа жойига етиб бориб, ёнғин соат 21:23 да қуршаб олинди ва соат 21:37 да ўчирилган.

Ҳодиса оқибатида тан жароҳати олган фуқаролар тўғрисида хабар тушмади, дейилади хабарда.