Ijtimoiy tarmoqlarda ayolning erkak tomonidan mashinaga majburan o‘tkizilayotgani aks etgan video tarqaldi. Samarqand viloyat IIB usbu holat yuzasidan rasmiy munosabat bildirdi.
Ma’lum bo‘lishicha, 1 oktyabr kuni soat 16:00 larda Samarqand shahridagi “A.Temur” mahallasida 2002 yilda tug‘ilgan M.I. o‘ziga tanish bo‘lgan ayol — M.A. bilan kelishmovchilikka borgach, uni avtomashinasiga o‘tirishga majburlagan.
Ayol qarshilik ko‘rsatgan, erkak esa uni zo‘rlik bilan mashinaga o‘tkazishga uringan.
Tekshiruv davomida ayol erkakka nisbatan da’vosi yo‘qligini bildirgan. M.I. ga nisbatan Ma’muriy javobgarlik to‘g‘risidagi Kodeksning 183-moddasi (mayda bezorilik) bo‘yicha hujjatlar rasmiylashtirilib, sudga yuborildi.
