Jahon futboli yulduzi, italiyalik mutaxassis Fabio Kannavaro murabbiylar shtabi a'zolari bilan birga Toshkentga yetib keldi.
U futbol bo‘yicha O‘zbekiston milliy terma jamoasi bosh murabbiyligiga asosiy nomzod sifatida ko‘rilmoqda.
O‘zbekiston futbol assotsiatsiyasi xabariga ko‘ra, Fabio Kannavaroning tashrifi muzokaralar olib borish va shartnoma masalalarini muhokama qilish bilan bog‘liq.
Unga terma jamoaning kelajakdagi rivojlanish strategiyasi va tayyorgarlik rejalari taqdim etilishi kutilmogda.
Fabio Kannavaro — 2006 yilda Italiya termasi bilan Jahon chempionligini qo‘lga kiritgan, o‘sha yilning o‘zida "Oltin to‘p" sohibi bo‘lgan himoyachi. Murabbiylik faoliyati davomida u Xitoy va Saudiya Arabistoni klublarida ishlagan.
