Toshkent viloyati FVBNing bergan xabariga ko‘ra, bugun, 8 noyabr kuni Toshkent viloyatining Zangiota tumanidagi ishlab chiqarish sexlaridan birida yong‘in sodir bo‘lgan.
Ma’lum qilinishicha, soat 10:46 da FVBga tumanning "Gulbog‘" MFYda joylashgan ishlab chiqarish sexlarining birida yong‘in sodir bo‘layotgani to‘g‘risida xabar kelib tushgan.
Shunga ko‘ra, 5 ta yong‘in-qutqaruv ekipaji soat 10:50 da yong‘in joyiga etib borib, hozirda yong‘inni bartaraf etish ishlari amalga oshirilmogda.
Tan jarohati olganlar to‘g‘risida ma’lumot kelib tushmagan.
Toshkent viloyati FVBNing qo‘shimcha qilishicha, yong‘in 11:40 da qurshab olingan. 11:58 da yong‘in to‘liq bartaraf etilgan.
