28 noyabr kuni Toshkent shahri Yunusobod tumanida sodir bo‘lgan YTHda piyoda olgan tan jarohatlari oqibatida hayotdan ko‘z yumdi.
Soat 11:10 atrofida Abdulla Qodiriy ko‘chasida 1994 yilda tug‘ilgan Onix haydovchisi harakat vaqtida rul boshqaruvini yo‘qotib, yo‘lning o‘ng chetki qismida to‘xtab turgan piyodani urib yubordi. To‘qnashuvdan so‘ng u Nexia-3 va Cobalt avtomashinalari bilan ham to‘qnashdi.
Hodisa yuzasidan Toshkent shahar IIBB Tergov boshqarmasi tomonidan Jinoyat kodeksining 266-moddasi 2-qismi bilan jinoyat ishi qo‘zg‘atildi. Tergov ishlari davom etmoqda.
