Ekologlar va huquqni muhofaza qilish organlari o‘tkazayotgan tungi reydlarga Saida Mirziyoyeva ham qo‘shildi.
Tekshiruv davomida Qibray tumanidagi issiqxonada har kuni qariyb 150 kilogramm ko‘mir yoqilayotgani ma’lum bo‘ldi.
Mutaxassislar fikricha, bunday miqdordagi chiqindi havoga chiqarilayotgan zararli moddalarning keskin ortishiga sabab bo‘layotgani sir emas.
Mirziyoyeva tadbirkorlarning iqtisodiy manfaatni bahona qilib, ekologiyaga zarar yetkazishini keskin tanqid qildi.
Shu bois Ekologiya qo‘mitasiga issiqxonaga bir sutka ichida zamonaviy filter o‘rnatish topshirildi.
Bundan tashqari, tadbirkorlar uchun ekologik talablar bo‘yicha trening va tozalash uskunalari ko‘rgazmasini tashkil etish belgilandi.
