AQShning Southern Spear qo'shma operativ guruhi 4 dekabr kuni narkotik tashiyotgani aniqlandan kemaga zarba berilganini ma'lum qildi. Janubiy qo'mondonlikka ko'ra, razvedka kema narkotrafik uchun mashhur yo'nalishda harakatlanganligi tasdiqlangach, mudofaa vaziri Pit Hegset buyruq bergan.
Hujum natijasida kemadagi "to'rt nafar narkoterrorchi" yo'q qilingani aytilmoqda.
Bu oxirgi oylarda AQShning mintaqadagi navbatdagi shunday operatsiyasi. Oktabrda Prezident Donald Trump Venesuella yaqinida narkokema yo'q qilinganini e'lon qilgan, oradan ko'p o'tmay, AQSh tomonga yo'nalgan yirik suvosti kemasi ham nishonga olingani aytilgandi.
Shundan so'ng Karib dengizida bir qator zarbalar berilgan, noyabr oyida esa Amerika aviatsiya zarba guruhi 4 ming harbiy xizmatchi bilan mintaqaga kirgani haqida xabar berilgandi.
