АҚШнинг Southern Spear қўшма оператив гуруҳи 4 декабрь куни наркотик ташиётгани аниқланган кемага зарба берилганини маълум қилди. Жанубий қўмондонликка кўра, разведка кема наркотрафик учун машҳур йўналишда ҳаракатлангани тасдиқлангач, мудофаа вазири Пит Ҳегсет буйруқ берган.
Ҳужум натижасида кемадаги “тўрт нафар наркотеррорчи” йўқ қилингани айтилмоқда.
Бу охирги ойларда АҚШнинг минтақадаги навбатдаги шундай операцияси. Октабрда Президент Доналд Трамп Венесуэла яқинида наркокема йўқ қилин ганини эълон қилган, орадан кўп ўтмай, АҚШ томон йўналган йирик сувости кемаси ҳам нишонга олингани айтилганди.
Шундан сўнг Кариб денгизида бир қатор зарбалар берилган, ноябрь ойида эса Америка авиация зарба гуруҳи 4 минг ҳарбий хизматчи билан минтақага киргани ҳақида хабар берилганди.
