“Inter Miami” va Argentina terma jamoasi hujumchisi Lionel Messining singlisi Maria Sol Messi AQShning Mayami shahrida yo‘l-transport hodisasiga uchradi. Bu haqda “Nueva Rioja” nashri xabar berdi.
Ma’lum qilinishicha, avtohalokat natijasida u kuyish jarohatlari, umurtqa pog‘onasi, tovon va bilak suyaklarining sinishi kabi og‘ir tan jarohatlarini olgan. Shifokorlar Maria Solga uzoq muddatli reabilitatsiya zarurligini bildirgan.
Shu sababli u 2026 yil 3 yanvar kuni bo‘lib o‘tishi rejalashtirilgan to‘y marosimini nomalum muddatga qoldirishga majbur bo‘lgan. Davolanishning dastlabki bosqichidan so‘ng u reabilitatsiyani davom ettirish uchun Rosario shahriga qaytarilgan.
