Viloyat Yo‘l harakati xavfsizligi boshqarmasi ma’lum qilishicha, 2 yanvar kunidan boshlab tog‘li hududlarda harakat xavfsizligini ta’minlash, yo‘l-transport hodisalari va tirbandliklarning oldini olish maqsadida mazkur yo‘nalishlarda transport harakati bir tomonlama yo‘lga qo‘yilgan.
Xususan, 4R6 Toshkent–Chirchiq–Chimyom avtomobil yo‘lining 57-kilometridan 92-kilometrigacha bo‘lgan qismida, ya’ni 4R10 avtomobil yo‘li bilan tutash joygacha harakat bir tomonlama tashkil etilmoqda.
Bo‘stonliq tumani hokimining tegishli farmoyishiga muvofiq, ushbu yo‘llarda haydovchilar uchun taqiqlovchi, buyuruvchi hamda axborot beruvchi yo‘l belgilari o‘rnatilgan. YXHB barcha harakat ishtirokichlarini yo‘l belgilar va YPX inspektorlari ko‘rsatmalariga qat’iy amal qilishga chaqirdi.
