АҚШ, Мексика ва Канадада бўлиб ўтадиган 2026 йилги футбол бўйича Жаҳон чемпионати учун чипта сотиб олган қарийб 17 минг нафар мухлис уларни қайтариб беришга қарор қилди. Бу ҳақда “Roya News” нашри хабар берди.
Манбага кўра, мазкур ҳолат АҚШнинг Венесуэлага нисбатан олиб бораётган сиёсатига қарши норозилик сифатида баҳоланмоқда. Шунингдек, турнирни бойкот қилишга чақириқлар кучайгани ФИФАни фавқулодда йиғилиш ўтказишга мажбур қилган.
Маълум қилинишича, йиғилишда хавфсизлик масалалари, сиёсий хавотирлар ва мухлислар бойкоти билан боғлиқ муаммолар муҳокама қилиниши режалаштирилган. Айни пайтда иккиламчи бозорда Жаҳон чемпионати ўйинлари учун чипталар нархи пасайиб бораётгани қайд этилмоқда.
