2025 yilda Toshkent shahar ichki ishlar organlari va ularning hududiy bo‘linmalari, shuningdek, prokuratura va sud organlari tomonidan 3 923 nafar shaxs qidiruvga berilgan, ulardan 2 146 nafari qo‘lga olingan. 94 nafar shaxsni qidirish bo‘yicha materiallar tegishli hududiy bo‘linmalarga topshirildi.
Bu haqda Poytaxt IIB matbuot xizmati ma’lumotlariga xabar bermoqda.
Yuqoridagi shaxslar O‘zbekiston Respublikasi Jinoyat kodeksining quyidagi moddalarida nazarda tutilgan jinoyatlarni sodir etganlikda gumon qilinib, qidiruvga berilgan:
• 168-modda (Firibgarlik) - 1 084 nafar;
• 169-modda (O‘g‘rilik) - 293 nafar;
• 273-276-moddalar (giyohvandlik vositalarining qonunga xilof muomalasi bilan bog‘liq jinoyatlar) - 143 nafar;
• 167-modda (O‘zgalar mulkini o‘zlashtirish yoki rastrata qilish) - 83 nafar;
• terrorizm va diniy ekstremizm bilan bog‘liq jinoyatlar - 20 nafar;
• 277-modda (bezorilik) - 48 nafar;
• 166-modda (talonchilik) - 38 nafar;
• 104-modda (Sog‘liqqa og‘ir shikast yetkazish) - 18 nafar;
• 164-modda (bosqinchilik) - 16 kishi;
• 165-modda (Tovlamachilik) - 14 nafar;
• 135-modda (Odam savdosi) - 7 nafar;
• 97-modda (Qasddan o‘ldirish) - 6 nafar;
• 118-modda (Nomusga tegish) - 5 nafar;
• boshqa turdagi jinoyatlar bo‘yicha - 443 nafar.
Bundan tashqari, MDH davlatlari va boshqa xorijiy mamlakatlarning huquqni muhofaza qiluvchi organlari bilan hamkorlikda O‘zbekistondan tashqarida yashiringan 86 nafar qidiruvdagi shaxslar qo‘lga olindi. Ulardan 73 nafari MDH davlatlari hududida, 17 nafari boshqa davlatlar hududida qo‘lga olingan. 67 kishi O‘zbekistonga ekstraditsiya qilindi.
Shuningdek, rasmiy qidiruv e’lon qilinmagan bo‘lsa-da, kelishdan bo‘yin tovlagan 741 nafar shaxs o‘z vaqtida aniqlandi, tergov va sud organlariga olib kelindi.
Bundan tashqari, jinoyat sodir etib, uzoq yillar davomida qidiruvda bo‘lgan, tergov va sud organlaridan yashirinib yurgan 73 nafar shaxs qo‘lga olindi.
