Shu munosabat bilan O‘zbekiston Sanitariya-epidemiologiya qo‘mitasi rasmiy ma’lumot taqdim etdi.
Qayd etilishicha, Nipah virusi hayvonlardan, xususan ko‘rshapalaklardan odamga yuqadi. Shuningdek, zararlangan oziq-ovqat orqali hamda odamdan-odamga yuqishi mumkin. Virus asosan bosh miya yallig‘lanishi va og‘ir nafas yo‘llari kasalliklarini keltirib chiqaradi.
Mutasaddidlarning bildirishicha, Nipah virusi O‘zbekistonda qayd etilmagan, mamlakatta epidemiologik vaziyat barqaror. Shunga qaramay, Hindistonga borishni rejalashtirayotgan fuqarolarga ehtiyot choralariga amal qilish tavsiya etildi.
Xususan:
shaxsiy gigiyenaga rioya qilish;
qo‘llarni sovunlab yuvish va antiseptiklardan foydalanish;
meva-sabzavotlarni yaxshilab yuvish;
tekshirilmagan suvni ichmaslik;
ko‘rshapalaklar tishlagan yoki shikastlagan mevalarni iste’mol qilmaslik lozim.
Agar yuqori harorat, kuchli bosh og‘rig‘i yoki boshqa alomatlar kuzatilsa, darhol shifokorga murojaat qilish zarurligi eslatildi.
Shuningdek, mamlakata kasalliklar kirib kelishining oldini olish maqsadida 54 ta chegara punktida doimiy sanitariya nazorati olib borilmoqda.
